Shpejtësia e lartë shkakton përplasje me furgonin e mallrave në aksin Fier-Levan, plagoset drejtuesi i motorrit
Një aksident i rëndë ka ndodhur pasditen e sotme në aksin Fier-Levan, ku një motomjet është përplasur me një furgon mallrash. Paraprakisht dyshohet se shkak i aksidentit ka qenë shpejtësia e lartë dhe mosrespektimi i distancës nga ana e furgonit.
Si pasojë e përplasjes së fortë, drejtuesi i motorrit ka mbetur i plagosur. Ai është transportuar menjëherë drejt Spitalit Rajonal të Fierit dhe ndodhet nën kujdesin e mjekëve, jashtë rrezikut për jetën.
Në vendin e ngjarjes kanë mbërritur forcat e policisë, të cilat po hetojnë për të zbardhur shkaqet dhe rrethanat e plota të aksidentit.
Fier/Informacion paraprak
Rreth orës 17:00, në Levan, automjeti me drejtues shtetasin B. M., 59 vjeç është përplasur me motomjetin me drejtues shtetasin E. M., 40 vjeç.
Si pasojë e përplasjes, është dëmtuar shtetasi E. M., i cili ndodhet në spital jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
