Shpërthimi i tritolit në Sarandë, hoteli në pronësi të Pajtim Yzeirit nga Fieri që ju pre koka në Spanjë
Një ngjarje e rëndë ka ndodhur mbrëmjen e sotme në Sarandë ku një sasi tritoli ka shpërthyer në katin e parë të një hoteli.
Fatmirësisht si pasojë e shëprthimit ka patur vetëm dëme materiale, ndërkohë që forcat e polcisë së Sarandës janë “ngritur në këmbë” për të gjetur autorin.
Burime për mediat bëjnë me dije se sasia e tritolit është vendosur në hotel “Dea” i cili ka qenë në pronësi të Pajtim Yzeirit nga Fieri, i vrarë në vitin 2001 në Spanjë, ndërkohë që prej disa kohësh ishte dhënë me qira.
Kujtojmë që Pajtim Yzeiri në vitin 2001 është gjetur me kokë të prerë në Spanjë.
Informacion Paraprak i Policise:
Më datë 24.04.2022, rreth orës 21:45, në lagjen nr.1, Sarandë, në katin e parë të një hotelit, në pronësi të shtetasit N. Y., ka shpërthyer një sasi lënde, e dyshuar eksplozive, ku si pasojë ka vetëm dëme materiale.
Shërbimet e policisë kanë shkuar menjëherë në vendngjarje dhe po punojnë për zbardhjen e rrethanave të ngjarjes.