Shpërthimi në qendër të Athinës, bomba ishte futur në një çantë shpine! Kamerat e sigurisë filmuan gjithçka
Një shpërthim i fuqishëm ka ndodhur në qendër të Athinës, duke dëmtuar zyrat e kompanisë hekurudhore greke, Hellenic Train.
Pamjet e kamerave të sigurisë të mundësuara nga CCTV tregojnë momentin dramatik kur një bombë shpërtheu jashtë një blloku zyrash. (Klikoni për të parë videon)
Sipas autoriteteve, çanta e shpinës që përmbante eksploziv ishte lënë jashtë godinës dhe shpërthimi ka shkaktuar dëme materiale, por pa viktima apo të lënduar.
Policia tha se një telefonatë anonime është bërë në media greke, duke paralajmëruar për sulmin, përpara shpërthimit.
Shkaku i shpërthimit ende nuk është konfirmuar, por ngjarja ka ndodhur në një periudhë të tensionuar për shkak të një tragjedie hekurudhore vitin e kaluar, ku humbën jetën 57 persona.
Ministri i Transportit i Greqisë, Christos Dimas, e ka dënuar ashpër shpërthimin, duke e cilësuar si një “akt kriminal” që ka rrezikuar jetën e shumë njerëzve në një zonë të populluar të Athinës.
Ai shtoi se “asgjë nuk e justifikon terrorizmin, asnjë akt dhune nuk sjell drejtësi,” dhe theksoi se autoritetet dhe gjyqësori do të merren me çështjen.
