AKTUALITET
Shqiptarët bëhen bashkë/ Aleks Visha thirrje në TikTok, brenda 24 orëve mblidhen 100 mijë euro për shërimin e 8-vjeçares
Rasti i 8-vjeçares Flavia Qelia, i publikuar pak ditë më parë preku zemrat e shqiptarëve. Vogëlushja e diagnostikuar me leucemi akute i duhej ndihmë për t’u shëruar.
Familja e vogëlushes në pamundësi financiare, kërkoi publikisht ndihmë nga shqiptarët që me aq sa të kenë mundësi të ndihmojnë në shërimin e saj.
Për fat të mirë, paratë që duhen për shërimin e Flavias janë siguruar. Ka qenë tiktok-eri i famshëm Aleks Vishaj i cili ka grumbulluar në kohë rekord partë duke organizuar sfida në TikTok.
Në më pak se 24 orë, pas thirrjes së tij janë mbledhur më shumë se 100 mijë euro nga shqiptarët nga e gjithë bota dhe është krijuar mundësia që Flavia të dërgohet për kurim jashtë vendit.
