Skenar si në filma Hollywood-i/ Dalin pamjet e grabitjes brenda bankës në Koplik, punonjësi i shtrirë të tokë, grabitësi i maskuar dhe armatosur deri në “dhëmbë”… (FOTO)
Kanë dalë pamjet çfarë ndodhi brenda bankës së grabitur në Koplik disa javë më parë.
“Fax News” sjell pamjet në momentin kur grabitësit e maskuar dhe me kallashnikov në dorë rrëzojnë në tokë punonjësin e bankës dhe më pas drejtohen tek arka.
Policia e shkodrës ditën e sotme ka njoftuar se Bekim Gurraj, 22 vjeç, Armir Shabaj, 25 vjeç dhe Admir Shabaj, 19 vjeç, banues në Aliaj të Malësisë së Madhe janë arrestuar si autorë të dyshuar të grabitjes së kësaj banke.
– Ngjarja –
Grabitësit e armatosur deri në “dhëmbë” dhe të maskuar kanë hyrë në një bankë të nivelit të dytë në Koplik dhe kanë marrë paratë e arkës. Burimet bëjnë me dije se grabitësit kanë marrë 10 mijë euro, 1 mijë dollar dhe rreth 4 milionë lekë të vjetra.
Pasi grabitësit morën paratë nga banka ata janë larguar me një automjet tip “Wolsvagen” të cilën e kanë djegur në dalje të qytetit dhe më pas nën kërcënimin e armës ndaj shoferit të një prej automjeteve që po kalonte në rrugë, kanë arritur të marrin një makinë tip “Benz” dhe të largohen nga vendngjarja.