SPAK kërkon ‘arrest shtëpie’ me mbikëqyrje policore, GJKKO merr sot vendimin për Berishën! Rrëzohen dy kërkesat e avokatëve
Pasi u shty dy herë, GJKKO jep sot vendimin për ish-kryeministrin Sali Berisha, pas kërkesës së SPAK, për “arrest shtëpie” me mbikëqyrje poliroe.
Seanca e djeshme u shty për sot për në orën 15:00, ndërsa avokatët e Berishës nuk hoqën dorë dhe dorëzuan sërish një kërkesë ku kërkuan përjashtimin e gjyqtares së çështjes, Irena Gjoka, e cila u rrëzua. Po ashtu u rrëzua edhe kërkesa e tyre që mediat të ishin të pranishme në seancë.
Pas miratimit të autorizimit nga Kuvendi për heqjen e lirisë së Sali Berishës, SPAK iu drejtua Gjykatës më datë 22 dhjetor duke i kërkuar ashpërsimin e masës së sigurisë për ish-kryeministrin, i cili akuzohet për korrupsion pasiv në privatizimin e ish-klubit sportiv “Partizani”.
SPAK kërkon ashpërsimin e masës së sigurisë për Berishën me argumentin se ai nuk zbatoi masën e parë, atë të detyrimit për t’u paraqitur.
