Stacioni i ri zjarrfikës në Fier do të shtojë 10 efektivë dhe një autozjarrfikëse
Fieri së shpejti do të ketë një stacion të ri zjarrfikës me një flotë mjetesh moderne. Investimi prej 62 milionë lekësh vlerësohet mjaft i rëndësishëm pasi kjo bashki po vijon të përballet vit pas viti me raste të shumta zjarresh.
Me një fond prej 62 milionë lekësh ka nisur në Fier puna për ndërtimin e një stacioni të ri zjarrfikësesh: do të jetë një ndërtesë me parametra shërbimit zjarrfikës
Aktualisht ky shërbim ofrohet nga 30 efektivë, me 4 automjete zjarrfikesësh dhe një autoshkallë. Ndërsa për një efikasitet më të lartë, do të zgjerohet edhe flota e mjeteve: me ndërtimin e godines se re te kompletuar mund të marrim efektive te rinj.
Ndër vite zjarret e ndodhura në Fier kanë shkaktuar demë të konsiderueshme në pyje, kullota sdhe ullishta. Vitin e shkuar u regjistruan 80 zjarre në këtë bashki, ku dëme të konsiderueshme pësoi zona e Pish Porosë dhe Darzezës, ku siperfaqja e dëmtuar nga zjarri shkon ne 800 ha pyll me pisha. Ka thënë kreu i shërbimit zjarrefikës në Bashkinë Fier, Zia Hyka.
