Stërvitja e NATO-s në Shqipëri, priten vonesa dhe anulime fluturimesh nga Rinasi për 12 ditë
Për pothuajse 12 ditë trafiku ajror në Shqipëri pritet që të jetë i ngarkuar për shkak të stërvitjes Defender 23, që po zhvillohet prej gati dy javësh në vendin tonë.
Në një njoftim për mediat Autoriteti i Aviacionit Civil deklaron se vonesat priten nga datat 12, pra dita e sotme, deri në datën 23 Qershor.
Eurocontrol (NM), Autoritetet e Aviacionit Civil (ACAA), Siguruesit e Shërbimit të Navigimit Ajror (Albcontrol) dhe Aeroportet (TIA), po punojnë intensivisht për minimizimin e këtij impakti.
Njoftimi:
Nga data 12 – 23 Qershor 2023 do të zhvillohet në Europë “Air Defender 23” stërvitja më e madhe në historinë e NATO-s. Duke përfshirë 25 Shtete mbi 10 000 trupa dhe 220 avionë. Për shkak të këtij aktiviteti priten vonesa dhe anulime fluturimesh. Eurocontrol (NM), Autoritetet e Aviacionit Civil (ACAA), Siguruesit e Shërbimit të Navigimit Ajror (Albcontrol) dhe Aeroportet (TIA), po punojnë intensivisht për minimizimin e këtij impakti.
