“Të gjithë thonin ça balerini ky Gazi”, kandidatja e PS në Fier ironizon sërish Bardhin: Dje i bëje elozhe, bababufi s’ti harron atë që ke thënë! Mos u mërzit, 5 është aty për të dëshpëruarit e PD
Kandidatja e PS në Fier, Zegjine Çaushi ka ironizuar sërish Gazmend Bardhin, drejtuesin politik të PD në këtë qark. Përmes një videoje në rrjete sociale, Çaushi i thotë Bardhit se i kishte ardhur ‘bababufi’ në Fier, ndërsa i kujton atij deklaratat që bënte më parë se nëse kthehet Berisha në PD, do të largohet nga politika, duke e cilësuar një ‘balerin’ për faktin se ka ndryshuar mendje.
Më tej, ajo thotë se Berisha nuk ia harron asnjëherë ato që ka thënë për të, dhe se prandaj e ka dërguar në Fier, ku e di se do të humbë. Megjithatë, ajo i kujton Bardhit edhe numrin 5, numri që PS mban në fletën e votimit, ndërsa shton se ky numër është aty për të gjithë të dëshpëruarit e PD.
“Gazo ku je o yll, të kishte ardhur bababufi dje në Fier. Po ti i ardhur je për vete, jabanxhi, asnjë nuk të do, asnjë nuk të hap derën. Edhe kur i përshëndesin në bulevard s’të kthenin as përshëndetje. Iu këput shpirti këtyre shoqeve të mia. Më thanë thërrite të vijë këtu te ne, se ata të Fierit nuk e shohin dot me sy. Edhe në miting Gazo mezi të dilnin fjalët mo? S’ke faj xhan i motrës se ti flisje mbrëmë dhe i bëje elozhe bufit të madh të kënetës madhështore, të gjithë mendonin se çfarë balerini është ky Gazi. Para një viti thoshte, po të kthehet Berisha unë ika nga politika.
Si e quaje si? Babai i Zenit ëëë…Ca je ti, ma ke shtyllën si purtek domatesh. Elastik i madh je. O lumadh. O Gazo nuk të harron Saliu ty ça ke thënë e ça ke bërë. Prandaj të ka sjellë në Fier, për humbjen historike që të të thotë pastaj ik se na turpërove. Gazo sa herë të mërzitesh një telefon larg më ke, te 5 e di vetë ti. Hajt se do të bësh një spërdredhje pas humbjes dhe do e bindësh prapë bufin të të mbajë. Hë xhan mos u mërzit. Pastaj 5 aty është për të gjithë për të dëshpëruarit e PD. Nuk do të lëmë në rrugë, do të të marrim në Roskovec, paçim Gazi paçim.”, thotë Çaushi.
