KRONIKËSTAR CHANNEL
Tentativë vrasjeje në Patos, arrestohet 36-vjeçari
Fier/Patos – Një konflikt mes fqinjësh në fshatin Verbas, bashkia Patos, ka degjeneruar në dhunë, duke lënë të plagosur dy persona dhe duke çuar në arrestimin e një 36-vjeçari.
Sipas Drejtorisë Vendore të Policisë Fier, është arrestuar në flagrancë shtetasi M. G., 36 vjeç, për veprën penale “Vrasja me dashje”, e mbetur në tentativë. Ai dyshohet se ka dëmtuar me mjet prerës fqinjin e tij, Sh. Q., 41 vjeç, pas një konflikti për motive të dobëta.
Reklama në FieriWeb - “PIZZA ITALIA FIER”
Nga ana tjetër, 41-vjeçari dyshohet se ka goditur me grushte dhe me sende të forta babanë e autorit të dyshuar, shtetasin A. G.
I plagosuri ndodhet nën kujdesin e mjekëve, ndërsa materialet procedurale i janë referuar Prokurorisë së Fierit për veprime të mëtejshme.
