Tiranë / Arrestohen dy shoferë për aksidentin fatal që i mori jetën 7-vjeçarit
Policia ka arrestuar dy drejtues automjetesh, të cilët dyshohet se u përfshinë në aksidentin tragjik të ndodhur paraditen e sotme në Tiranë, ku humbi jetën një fëmijë 7-vjeçar.
Në pranga kanë rënë Kostandin Shukullli dhe Valentina Selman Koltraku. Sipas burimeve paraprake, Shukullli dyshohet se ka qenë drejtuesi i parë që ka përplasur të miturin me automjetin e tij. Më pas, në të njëjtin segment rrugor, automjeti i drejtuar nga Koltraku dyshohet se i ka dhënë goditjen e dytë fëmijës.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit, si dhe për përcaktimin e përgjegjësive ligjore të secilit prej të arrestuarve.
Ndërkohë, materialet procedurale i janë referuar Prokurorisë për veprime të mëtejshme.
