Trafiku në qendër të Fierit/ Shkak shtimi i automjeteve në qarkullim nga emigrantët
Trafiku i rënduar në Fier arrin pikun në fund të korrikut. Shkak është bërë jo vetëm ardhja e emigrantëve, por edhe mosfrekuentimi i unazave nga drejtuesit e mjeteve. Pedonalia kryesore e qytetet mbetet tejet problematike, por edhe dy rruget qe dalin nga qyteti, njera per në Patos e tjetra, per në bregdet.
Në fund të korrikut banorët e Fierit përballen me trafik të rënduar. Shtimi i automjeteve në qarkullim për shkak të ardhjes së emigrantëve, por dhe mosfrekuentimi i unazave nga drejtuesit janë shkaqet kryesore.
Drejtuesit e automjeteve shprehen jashtë kamerave që kërkojnë ndihmën e Policisë Rrugore për lehtësimin e trafikut.
Për të lehtësuar qarkullimin e automjeteve patrulla policie janë vendosur në hyrje dhe në dalje të qytetit.
Në mungesë të tyre në qendër, trafiku paraqitet më i rënduar. Shkak i trafikut të dëndur është edhe parkimi i gabuar i automjeteve dhe sidomos parkimi dysh të cilët e rëndojnë trafikun deri në bllokim total.
