Tragjedi për familjen shqiptare, 22-vjeçari në Itali vdes në një aksident, dyshohet se… (EMRI)
Një 22-vjeçar shqiptar ka humbur jetën në një aksident në Itali teksa ngjarja dyshohet se ka ardhur pas një gare shpejtësie mes dy makinave.
Viktima është identifikuar si Arnold Selishta, 22 vjeç, rezident në Limbiate, i cili udhëtonte si pasagjer në fuoristradën që u aksidentua. Makina u përmbys disa herë, derisa mori flakë, përgjatë Monza-Saronno. 22-vjeçari është nxjerrë i gjallë nga zjarrfikësit, por në gjendje shumë të rëndë. Ai vdiq menjëherë më pas në spitalin San Gerardo në Monza.
Me të ishin edhe dy të tjerë shumë të rinj të cilët mbetën të plagosur, mes tyre edhe shoferi. Hetuesit hetojnë hipotezën e një gare me shpejtësie marramendëse midis dy supermakinave, “Range Rover” kundër “BMW”, përpara se të humbin kontrollin në një rrethrrotullim.
Karabinierët çuan në kazermë në Limbiate një 23-vjeçar, i cili ishte drejtuesi i makinës dhe që do të largohej pas përplasjes. Celularët e djemve do të analizohen dhe do të kontrollohet prania e alkoolit apo drogave në gjak.
