KRONIKËSTAR CHANNEL
Tragjedi rrugore në Rumani: 6 tifozë të PAOK-ut humbin jetën, 3 të tjerë në gjendje kritike
Një aksident i rëndë rrugor ka ndodhur në Qarkun Timiş të Rumanisë, ku si pasojë kanë humbur jetën gjashtë persona, ndërsa tre të tjerë janë plagosur rëndë.
Sipas mediave të huaja, viktimat janë tifozë të skuadrës greke të futbollit PAOK, të cilët kishin nisur udhëtimin drejt Francës për të ndjekur ndeshjen kundër Olympique Lyonnais.
Reklama në FieriWeb - “PIZZA ITALIA FIER”
Të plagosurit janë transportuar me urgjencë në spital, ku dy prej tyre ndodhen në gjendje kritike për jetën, ndërsa gjendja shëndetësore e njërit tjetër raportohet serioze.
Ngjarja e rëndë ka tronditur opinionin sportiv, vetëm dy ditë para përballjes së shumëpritur mes PAOK-ut dhe Lionit. Autoritetet rumune kanë nisur hetimet për të zbardhur shkaqet e aksidentit.
