BOTAKRONIKËSTAR CHANNEL
Tragjike në Itali, 2 të rinj humbin jetën në aksident rrugor, njëri prej tyre një 18-vjeçar shqiptar
Itali- Një 18- vjeçar shqiptar ka humbur jetën në një aksident rrugor ditën e djeshme (20 janar), në Vignola të Italisë.
Shqiptari është identifikuar si Idris Kreshpaj, ndërsa viktimë tjetër ka ngelur edhe një 24-vjeçar maroken i identifikuar si Rida Sidrine.
Reklama në FieriWeb - “PIZZA ITALIA FIER”
Të plagosur kanë mbetur edhe dy të rinjtë e tjerë (17 dhe 23 vjeç) që ndodheshin në makinë, të cilët kanë pësuar fraktura dhe të nxira.
Aksidenti ndodhi rreth orës 21:00 në rrugën për në Sassuolo. Makina në të cilin udhëtonin pesë djem, një Citroen C3, u përmbys disa herë përpara se të përplasej me një mur të ulët gardh të një shtëpie.
Sipas mediave italiane, rrethanat janë ende nën hetim, por nga të dhënat fillestare rezulton se nuk janë përfshirë automjete të tjera.
