Trajneri i Apolonisë, Rodrigues: Jemi të kënaqur me fitoren, por është vetëm java e parë
Debutim më perfekt nuk mund të kishte për të. Jeraj Rodrigues mori çka deshi në këtë ndeshje të parë dhe nuk ka si të mos jetë i kënaqur. Skuadra e tij sig-uroi trepikëshin e parë sezone dhe e gjeti tri herë rrjetën, pa pësuar asnjë.
E megjithatë, spanjolli nuk dëshiron që Apolonia të “fluturojë”. Trajneri mundohet që të mbajë të tijtë me këmbë në tokë.
“Normalisht ishte një fitore shumë e rëndësishme, edhe pse aspak e lehtë. Lushnja zhvilloi një ndeshje të mirë dhe u mundua të na i vështirësojë gjërat. U luajt një ndeshje shumë taktike nga të dyja ekipet, për fat të mirë ne arritëm të shënonim gol dhe e patëm më të lehtë më pas të administronim. Na kënaq fitorja, por nuk ka vend për eufori, sepse është vetëm ndeshja e parë. Objektivat tona janë të punojnë çdo ditë e më fort dhe të ecin hap pas hapi. Sot (dje) fituam, por kështu e ka futbolli edhe mund të humbasësh. Duhet të ruajmë qetësinë dhe hap pas hapi çdo gjë”, përfundoi numri një i pankinės fierake.
