AKTUALITETSPORT
Turi i 82-të Çiklistik i Shqipërisë kaloi sot në Fier – Etapa përfundon të premten
FIER – Në kuadër të etapës së tretë të Turit të 82-të Çiklistik të Shqipërisë, rreth orës 14:30 të ditës së sotme, çiklistët kanë përshkruar segmentin rrugor Unaza Fierit – Levan, për të vijuar më tej në autostradën Levan–Vlorë.
Reklama në FieriWeb
Për garantimin e sigurisë dhe mbarëvajtjes së aktivitetit, Policia e Fierit, nëpërmjet një njoftimi zyrtar, u ka bërë thirrje qytetarëve dhe drejtuesve të mjeteve që të shmangin kalimin në këto segmente gjatë zhvillimit të garës.
Turi i Shqipërisë, një nga aktivitetet më të rëndësishme sportive të vendit, do të përmbyllet të premten me etapën e pestë dhe të fundit, e cila nis në Vlorë dhe përfundon në Fier, ku do të kurorëzohet edhe fituesi i këtij edicioni.
