AKTUALITETVIDEO
Tym i dendur mbulon aksin Fier-Roskovec, bllokohet për disa minuta qarkullimi i automjeteve
Një incident është shënuar sot në Zharrez, ku fshatarët kanë djegur tokat për të pastruar barërat e këqija. Tym i dendur ka mbuluar aksin rrugor Fier-Roskovec, duke shkaktuar bllokim të përkohshëm të qarkullimit të automjeteve.
Në vendngjarje ndodhen dy mjete zjarrfikëse nga Patosi për të kontrolluar situatën dhe për të parandaluar përhapjen e zjarrit. Incidenti ka krijuar shqetësime për sigurinë e drejtuesve të mjeteve në këtë aks rrugor.
