U filmua duke kryer marrëdhënie seksuale në zyrën e tij, kreu i bashkisë Kukës Safet Gjici jep dorëheqjen: Nuk kam asnjë justifikim për atë që ka ndodhur…
Pas video skandalit ku u filmua duke kryer marrëdhënie seksuale në zyrën e tij, Safet Gjici ka dhënë dorëheqjen nga posti i tij si kreu i bashkisë së Kukësit.
Teksa e konsideron si një kurth ndaj atyre që kishte kundërshtar në zgjedhjet e 14 majit, Gjici në një reagim në rrjete sociale shkruan se është në një marrëdhënie intime me vajzën qe shfaqet në video, por shton se asgje nuk e justifikon aktin e tij.
Reagimi:
Ndjesë të thellë publike çdokujt që sot ka parë atë material të shëmtuar video. Pas një fushate dhe përballjeje jo të lehtë me kundërshtarët e mi, pas të cilës rezultova fitues, fatkeqësisht unë rash pre e një kurthi të përgatitur me detaje nga e njëjta dorë njerëzish me të cilët u përballa në zgjedhje. Ja arritën ta bëjnë në një formë tjetër të pistë atë që se bënë dot me votën e kuksianëve.
Jam shumë i keqardhur për ngjarjen dhe jam mëse i qartë se në këtë situatë nuk ka vlerë asnjë lloj sqarimi. Prej disa kohësh unë kam një marrëdhënie intime me vajzën në fjalë por sigurisht nuk kam asnjë justifikim për atë çka ka ndodhur pavarërisht se i rënë në kurth.
Nuk mund të jem më unë njeriu që punon në atë zyrë shteti pasi e kam tradhëtuar besimin e atyre mijëra njerëzve që besuan e punuan me mua për ta bërë Kukësin një qytet gjithnjë e më të mirë.
Ndjesë të gjithëve dhe mirënjohje gjithë jeten kujtdo më besoi dhe mbështeti. Ishte nderi i jetës time që u njollos nga një mendjelehtësi e pafalshme ndaj sot ndjej detyrimin minimal të jap dorëheqjen! Zoti ju bekoftë të gjithëve!
