AKTUALITETSTAR CHANNEL
U gjetën të ngordhura në plazhin e Vlorës, konfirmohet gripi i shpendëve
Dhjetëra shpendë që u gjetën të ngordhura në plazhin e Nartës në Vlorë, rezulton të kenë qenë të sëmura me virus.
Analizat e marra rezultuan pozitive me gripin e shpendëve. Nga kjo sëmundje janë të prekura shpendët e ujit ose të egra, por që deri tani nuk rezulton të kenë patur kontakt me shpendët shtëpiake.
Ky virus që ka prekur shpendët e ujit rrezikon të përhapet edhe tek shpendët shtëpiakë por edhe te njerëzit.
Shpendët e ngordhura u gjetën dy ditë më parë në lagunën e Nartës dhe Shërbimi Veteriner mori mostra për të bërë analizat.
Shenjat e gripit të shpendëve, H5N1 kanë një ngjashmëri me gripin sezonal, në raste më të rënda edhe më vështirësi në frymëmarrje.
