AKTUALITETBOTA
U kapën me çantën plot me kokainë dhe me 100 mijë paund, dënohen 2 shqiptarët në Britani
Dy shqiptarë të arrestuar në Birmingham janë dënuar me rreth 8 vite burg në total nën akuzën e trafikut të kokainës. Bëhet fjalë për Orest Malushin, 44 vjeç dhe Olsian Voglin 31 vjeç.
Ky i fundit ishte parë teksa dilte nga një banesë në rrugën Caversham të cilën e përdorte si strehë pak para arrestimit. Të dy shqiptarët u arrestuan në automjetin e Malushit në korrik të vitit të kaluar.
Reklama në FieriWeb - “PIZZA ITALIA FIER”
Gjatë kontrollit, Voglit iu gjet një çantë e zezë e mbushur me gjysmë kilogram kokainë. Ndërsa pas kontrollit të apartamentit të tij, u gjetën më shumë se 100 mijë paund ‘cash’ dhe një telefon celular me disa karta sim që u sekuestruan.
