U përplas nga makina në Korçë! Ndërron jetë këmbësorja 65-vjeçare, shpallet në kërkim i riu
Një aksident i rëndë ka ndodhur në Korçë, ku një 65-vjeçare ka humbur jetën pas përplasjes nga një automjet.
Ngjarja ka ndodhur në fshatin Bulgarec, ku shtetasi G. M., 27 vjeç, ka përplasur këmbësoren S. Q., e cila ka ndërruar jetë në spital si pasojë e plagëve të marra.
Pas aksidentit, drejtuesi i automjetit është larguar nga vendi i ngjarjes, por falë një ndjekje intensive dhe analizimit të kamerave të sigurisë, ai është identifikuar dhe shpallur në kërkim. Policia vazhdon punën për kapjen e tij. Materialet procedurale do t’i kalojnë Prokurorisë për veprime të mëtejshme.
Njoftimi i policisë:
Korçë
Përplasi me automjet një 65-vjeçare dhe u largua nga vendi i aksidentit, pas ndjekjes intensive dhe kontrolleve nga Policia, indetifikohet dhe shpallet në kërkim drejtuesi i automjetit, shtetasi G. M., 27 vjeç, banues në Dërsnik.
Specialistët e Sektorit të Qarkullimit Rrugor pas kontrolleve intensive të bëra dhe vëzhgimit të kamerave në zonën ku ndodhi aksidenti kanë bërë të mundur indetifikimin e automjetit dhe drejtuesit të tij, i cili u largua nga vendi i aksidentit. Rreth orës 17:40, në fshatin Bulgarec, ky shtetas, me automjetin që drejtonte, përplasi shtetasen S. Q., 65 vjeçe, këmbësore, e cila si pasojë e plagëve të marra ka ndërruar jetë në spital.
