U spostua nga Ledion Liço, Arbana Osmani flet për herë të parë për atë që ndodhi në “BBV” (VIDEO)
Sa i takon raportit të saj më ish-banorët e edicionit të kaluar ajo thotë se gëzon respekt për ta dhe nëse një ditë do t’i lidhë jeta nuk do të ngurrojë t’i “përqafojë” sërish.
TIRANË- Pas gjithë zhurmës mediatike, moderatorja e njohur Arbana Osmani ka thyer heshtjen për largimin nga “TCH”, televizioni ku ajo krijoi themelet e karrierës si dhe vendimi për të mos prezantuar me formatin e njohur të “Big Brother Vip”. Vendin e saj tashmë e ka zënë Ledion Liço, i cili ka fituar simpatinë e publikut brenda pak ditësh.
Arbana thotë se nuk do të donte të vihej në qendër të vëmendjes me një deklaratë “lamtumire”, pasi sipas saj tashmë ky “Big Brother Vip” me ose pa të e ka fituar audiencën. Sa i takon raportit të saj më ish-banorët e edicionit të kaluar ajo thotë se gëzon respekt për ta dhe nëse një ditë do t’i lidhë jeta nuk do të ngurrojë t’i “përqafojë” sërish.
“Unë e kam bërë “Big Brother” për shumë shumë vite. E kuptoj që publiku është i lidhur me mua shumë, po e di që publiku mësohet edhe me një figurë tjetër.
Nuk e ndjeva që në finalen e BB duhet të thoja: Shiko se ky është edicioni im i fundit. Se unë jam një nga hallkat e programit. Njerëzit do ta ndjekin programin me ose pa mua, ç’rëndësi ka a do jem a s’do jem unë? Nuk e ndjej se duhet t’i jap gjithë këto kredite vetes për ta glorifikuar këtë personazhin tim dhe pozicionin tim. “Shiko se unë po iki dhe po ju lë…” Luiz Ejlli i pari, por të gjithë, nga i pari tek i fundit, kanë respektin tim maksimal dhe vlerësimin tim maksimal për atë çfarë kanë bërë në Big Brother.
Raporti im përgjithësisht me të gjithë konkurrentët, fillon dhe mbaron me fillimin dhe mbarimin e Big Brother. Kështu që nëse na takon jeta, unë jam shumë e lumtur që t’i jap një përqafim të gjithëve. Të them të drejtën, është e pamundur mos ta ndjekësh Big Brother-in e këtij viti, sepse je e rrethuar. Më duket që po shkon shumë mirë. Kam lexuar që ka tejkaluar edhe suksesin e të parit dhe të dytit dhe jam shumë e lumtur për gjithë skuadrën”, tha Arbana Osmani.
Arbana Osmani tashmë i është dedikuar tërësisht biznesit të saj dhe duket se për pak kohë do të qëndrojë larg televizionit.
