VIDEO/ 50 vjeçarja u gjet e vrarë brenda shtëpisë, pamje nga vendngjarja në lagjien Sheq i Madh në Fier
Një ngjarje e rëndë ka tronditur këtë mëngjes qytetin e Fierit. Një grua 50 vjeçare e quajtur Valentina Mamaj është gjetur e vrarë me thikë në banesë nga bashkëshorti i saj.
Mësohet se ngjarja e rëndë ka ndodhur në lagjen “Sheq i Madh” të qytetit dhe policia ndodhet në vendngjarje.
Pas njoftimit në sallën operative nga kunati i viktimës, policia ka shkuar në vendngjarje dhe po kryen ekspertizën për të përcaktuar shkaqet e këtij rasti të rëndë.
Paraprakisht dyshohet si vetvrasje, ndërsa mësohet se çifti jetonin vetëm dhe sipas fqinjëve nuk kishin problem në familje.
Fier/Informacion paraprak
Më datë 08.02.2022, në lagjen “Sheq i Madh”, Fier, rreth orës 07:50, është gjetur nga bashkëshorti i saj, në banesë, dyshohet e vetëvrarë me mjet prerës (thikë), shtetasja V. M., 50 vjeçe.
Grupi hetimor po punon për zbardhjen e plotë të rrethanave të kësaj ngjarjeje.
