Stuhia tropikale Idalia u përforcua në një uragan dhe po lëviz drejt bregut të Floridës në Gjirin e Meksikës, ku autoritetet po u bëjnë thirrje miliona banorëve që të përgatiten për t’u evakuuar përpara mbërritjes së saj të mërkurën në mëngjes me orën lokale.
Idalia u përforcua në një uragan të kategorisë 1 herët në mëngjes, me erëra maksimale prej 80 mph. Sistemi pritet të “intensifikohet me shpejtësi” dhe mund të bëhet një uragan i fuqishëm i kategorisë 3 përpara se të mbërrijë në Florida, tha Qendra Kombëtare e Uraganeve.
Guvernatori i shtetit, Ron DeSandis, në një konferencë për shtyp që dha, u bëri thirrje të gjithë banorëve të përgatiten. “Ky është një uragan i madh. Do të jetë një uragan i fuqishëm dhe patjetër do të prekë shtetin e Floridës”, theksoi ai.
Zyrtarët lokalë tashmë po përgatiten të lëshojnë urdhra evakuimi, shtoi guvernatori, duke vënë në dukje gjithashtu se ndërprerjet e energjisë elektrike janë të mundshme. “Mos harroni, nëse ju thonë të largoheni, nuk keni pse të bëni qindra kilometra, nuk keni pse të largoheni nga shteti. Thjesht duhet të lëvizni në zona malore,”tha DeSandis.
Disa shkolla pritet të pezullojnë mësimin.
Satellite images capture Storm Idalia as it approaches Cuba on a path towards Florida, where it is expected to make landfall.
— Sky News (@SkyNews) August 29, 2023
Latest world news: https://t.co/Av2TSbA1gI pic.twitter.com/iPKKhNaU5F
