Video/ Zjarr i madh në zonën e Pusit të Mezinit në Vlorë, ka shpërthime municionesh
Një zjarr i madh ka rënë në zonën e Pusit të Mezinit në Vlorë.
Po digjen ullinjë dhe pemtari të zonës, ndërkohë që banesat janë fare pranë.
Burime bëjnë me dije se në vendin ku ka rënë zjarri janë dëgjuar shpërthime, çka sipas zjarrfikësve mund të jetë shkaktua nga municione të vjetra që kanë qenë të hedhura në zonë.
Disa automjete zjarrfikse në vendgjarje, ndërkohë që flakët po përhapen me shpejtësi.
Rruga kryesore tashmë është bllokuar.
Zjarri ka rënë në të njëjtën zonë si një vit më parë. Municionet dyshohet të mbetura në zonë që prej luftës. Për siguri policia ka bllokuar qarkullimin e automjeteve.
Vlorë/Informacion paraprak
Më datë 19.03.2022, në vendin e quajtur Qafa e Bestrovës, Vlorë dhe në segmentin rrugor që lidh fshatin Bestrovë me fshatin Kërkovë, në një sipërfaqe me ullinj ka rënë zjarr dhe si pasojë janë djegur pjesërisht disa rrënjë ullinj.
Në vendngjarje ndodhet zjarrfikësja dhe shëbimet e Rendit të Komisariatit të Policisë Vlorë, të cilët po punojnë për fikjen e zjarrit dhe zbardhjen e plotë të rrethanave të ngjarjes.