Vlorë – 27-vjeçari humb jetën, dyshohet për vetëplagosje me armë zjarri
Vlorë – Një ngjarje e rëndë është shënuar mbrëmjen e sotme në qytetin e Vlorës. Rreth orës 20:40, në Spitalin Rajonal të Vlorës ka ndërruar jetë shtetasi S. Z., 27 vjeç, i cili ishte dërguar nga familjarët për ndihmë mjekësore, pasi dyshohet se ishte vetëplagosur me armë zjarri në banesën e tij, në lagjen “11 Janari”.
Sipas informacioneve paraprake, grupi hetimor ka sekuestruar në tualetin e banesës armën e dyshuar të përdorur në ngjarje. Nën drejtimin e Prokurorisë, po vijojnë hetimet për zbardhjen e rrethanave dhe dokumentimin e plotë të ngjarjes.
Vlorë/Informacion paraprak
Sot, rreth orës 20:40, në Spitalin Rajonal Vlorë ka ndërruar jetë shtetasi S. Z., 27 vjeç, i cili ishte shoqëruar nga familjarët për ndihmë mjekësore, pasi dyshohet se ishte vetëplagosur me armë zjarri, në banesën e tij, në lagjen “11 Janari”, Vlorë.
Në vijim të veprimeve, grupi hetimor ka gjetur dhe sekuestruar në vendngjarje, konkretisht në tualetin e banesës së tij, armën e dyshuar të përdorur nga shtetasi S. Z.
Nën drejtimin e Prokurorisë, vijon puna për zbardhjen dhe dokumentimin e plotë të ngjarjes.
