AKTUALITET
Vlore gjendet nje delfin i ngordhur ne breg te detit
Një delfin i ngordhur është gjetur në bregdetin e qytetit të Vlorës. Ky është rasti i dytë brenda një muaji që rryma e detit nxjerr në sipërfaqe një delfin të ngordhur në qytetin e Vlorës. Delfini u gjet mëngjesin e sotëm në zonën e “Plazhit të vjetër” nga kalimtarë të rastit. Delfini ka një gjatësi prej 3 metrash dhe me moshë 20 – 30 vjeç, ndërkohë që kishte dëmtime të shumta në trup. Shkak për ngordhjen e tij dyshohet të ketë qenë goditja nga një mjet lundrues.
Sipas specialistëve, delfinët janë afruar se tepërmi në vitet e fundit në bregdetin e Vlorës, për shkak edhe të ngrohjes globale, ndërkohë që shpesh bëhen viktima të goditjes aksidentale nga mjetet lundruese.
