KRONIKËSTAR CHANNEL
Vlorë/ Policia jep detaje: Rrihet avokati Kujtim Cakrani pranë një karburanti nga dy persona
Rreth orës 13:30, në rrugën Transballkanike në Vlorë, pranë një karburanti, avokati Kujtim Cakrani, 55 vjeç, është dhunuar fizikisht pas një konflikti me dy persona ende të paidentifikuar.
Sipas Policisë, konflikti ka nisur për shkak të pozicionimit të automjetit në pikën e furnizimit me karburant, duke bllokuar mjete të tjera. Situata është përshkallëzuar dhe dy shtetasit e përfshirë e kanë goditur avokatin, i cili aktualisht ndodhet në spital, nën kujdesin e mjekëve.
Reklama në FieriWeb - “PIZZA ITALIA FIER”
Nga veprimet e para hetimore është bërë e mundur identifikimi i automjetit me të cilin autorët janë larguar nga vendngjarja. Grupi hetimor, nën drejtimin e Prokurorisë, po punon për zbardhjen e plotë të rrethanave, si dhe për identifikimin dhe kapjen e autorëve.
