KRONIKËSTAR CHANNEL
Vlorë: Qëlloi me armë zjarri gjatë një konflikti, Policia në kërkim të autorit
Sot, rreth orës 21:05, në fshatin Brataj të Selenicës, një konflikt për motive të dobëta mes shtetasve K. L. dhe A. F., përfundoi me përdorimin e armës së zjarrit. Sipas Policisë, shtetasi A. F., 53 vjeç, në gjendje të dehur, dyshohet se ka qëlluar disa herë në ajër.
Nga të dhënat e para, nuk raportohen persona të lënduar. Shërbimet e Policisë kanë ngritur pika kontrolli dhe po vijojnë krehjen e zonës për të arrestuar autorin e dyshuar.
Grupi hetimor ndodhet në vendngjarje dhe po punon për të zbardhur plotësisht rrethanat e incidentit.
