AKTUALITETSTAR CHANNEL
Vlorë – Rritet niveli i Vjosës, përmbyten toka në Novoselë
Niveli i lumit Vjosa ka arritur aktualisht në 7.75 metra, duke shkaktuar përmbytje në disa toka bujqësore në zonën e Novoselës. Si pasojë e prurjeve të mëdha, uji është afruar gjithashtu në zonën pranë thertores, duke rritur shqetësimin për mundësinë e përhapjes së mëtejshme të përmbytjeve.
Autoritetet lokale ndodhen në monitorim të vazhdueshëm të situatës, ndërsa u kërkohet banorëve të zonave të rrezikuara të tregojnë kujdes dhe të ndjekin udhëzimet e strukturave të emergjencave civile.




