KRONIKËSTAR CHANNEL
Vlorë – Vetëplagoset me armë pa leje, arrestohet 37-vjeçari nga Selenica
Policia e Vlorës ka arrestuar në flagrancë shtetasin S. M., 37 vjeç, banues në Selenicë, i cili u vetëplagos aksidentalisht me armë zjarri.
Ngjarja ndodhi ditën e djeshme, në ambientet e jashtme të një lokali në Vlorë, ku 37-vjeçari dyshohet se u qëllua në kofshën e majtë nga një pistoletë që e mbante pa leje. Arma e zjarrit, e shoqëruar me 16 fishekë, u sekuestrua nga policia në cilësinë e provës materiale.
Reklama në FieriWeb - “PIZZA ITALIA FIER”
S. M. ndodhet i shtruar në Spitalin Rajonal Vlorë, jashtë rrezikut për jetën.
Materialet procedurale iu referuan Prokurorisë për veprime të mëtejshme.
