Vrasja e palestinezes në Tiranë/ Bashkëshorti dyshohet të jetë larguar drejt Greqisë pas krimit
Zbardhen detaje të reja në lidhje me vrasjen e 24-vjeçares palestineze në Tiranë, ku autor dyshohet bashkëshorti i saj 49-vjeçar.
Gazetarja Bleona Sari raporton se ka dyshime se bashkëshorti i palestinezes, mund ta ketë kryer krimin më 22 shkurt.
Dyshohet gjithashtu se po në këtë datë, menjëherë pas krimit, 49-vjeçari është larguar drejt Greqisë.
“Një çifti bashkëshortësh që udhëtojnë për herë të parë në Shqipëri. Më 19 shkurt të këtij viti kanë shkelur tokën shqiptare. Grupi i hetimit ka dyshime se palestinezja dhe 49-vjeçari, janë paraqitur në Rinas me dokumente greke, por kanë edhe pasaportë arabe. Dyshohet se mund të kenë dokumente të falsifikuara. Çifti është prezantuar në Rinas si turist dhe do të rrinin një javë. Dyshohet se 24-vjeçarja është vrarë më 22 shkurt, pasi 49-vjeçari është larguar drejt Greqisë në këtë datë. Ka filluar përgatitja e dokumenteve për disa letra porosi në shtetin grek.”, raportoi ndër të tjera gazetarja Sari.
