Vrasja e të moshuarit në Kurbin/ Dyshime të forta për konflikt hasmërie! Djali i viktimës, autor i masakrës në Mamurras para 10 vitesh
Detaje të reja kanë dalë në dritë në lidhje me vrasjen e 67-vjeçarit Dod Mamli, i cili u qëllua për vdekje me armë zjarri vetëm disa minuta më parë në një fshat të Kurbinit.
Sipas raportimit të gazetarit të News24, Elidon Ndreka, disa persona të paidentifikuar i janë afruar të moshuarit dhe e kanë qëlluar, duke e lënë të vdekur në vend.
Sakaq, ai zbuloi se deri tani dyshohet se shkak për vrasjen mund të jetë një konflikt i vjetër hasmërie, por pa përjashtuar pisa të tjera.
Djali i viktimës, Enrik Mamli ka vrarë një person në vitin 2015 në qendër të Mamurrasit dhe ka plagosur 3 të tjerë.
Mamli ka qëlluar për vdekje asokohe shtetasin Naim Tafa, pasi mes tyre ka pasur një konflikt për një shumë parash prej 250 mijë eurosh që viktima i detyrohej autorit.
Nga ana tjetër forcat e rendit kanë nisur krehjen e zonës me qëllim kapjen e autorëve të vrasjes dhe zbardhjen e plotë të rastit.
