Vr*sja e biznesmenit Eduard Reçi/ Dërgohen në gjyq dy vëllezërit Dukaj – Konflikti nisi për çështje prone
Prokuroria e Tiranës ka përfunduar hetimet për ngjarjen e 13 nëntorit 2024, ku u vra biznesmeni Eduard Reçi, duke dërguar për gjykim dy vëllezërit Shkëlqim dhe Florian Dukaj, banues në Tiranë. Shkëlqimi ishte oficer policie.
Sipas Prokurorisë, vrasja dyshohet se është kryer me paramendim dhe në bashkëpunim, për shkak të një konflikti të gjatë pronësor midis viktimës dhe vëllezërve, të cilët kishin ndërtuar një lokal që prekte një pjesë të tokës së Reçit. Hetimet kanë treguar se mosmarrëveshjet kishin nisur prej vitesh dhe lidhej me ndërtimet dhe hapësirat e zëna.
Prokuroria thotë se vëllezërit kanë hartuar një plan të detajuar për kryerjen e krimit, duke zgjedhur kohën, vendin dhe mënyrën si të shmangnin identifikimin. Në njoftimin zyrtar theksohet se qëllimi ka qenë interesi pasuror, pasi viktima kërkonte kthimin e sipërfaqes së tokës së tij, çka do t’u shkaktonte humbje.
Të dy personat nën hetim do të gjykohen për veprat penale:
- “Vrasje me paramendim” në bashkëpunim
- Mbajtja pa leje e armëve të zjarrit
- Mbajtja dhe prodhimi pa leje i armëve të ftohta
