Zbulohet skema e mashtrimit me ndërtime pa leje në Tiranë, urdhër arresti për 2 arkitektë! I përfshirë dhe biznesmeni që u mor peng dy vite më parë

E.P/FieriWeb21/11/2023

320

Prokuororia e Tiranës ka lëshuar urdhër arrest për dy arkitektë në Tiranë, pas zbulimit të një skeme mashtrimi për të ndërtuar pa leje në Tiranë.

Reklama në FieriWeb - “VEGA GROUP”

Sipas hetimeve të prokurorisë, arkitektët Armando Prelezi dhe Klevis Bregu kanë aplikuar për leje ndërtimi në seksionin “online” “E-leje”, por ndërtimet janë kryer në një tjetër vendndodhje.

Reklama në FieriWeb - “VODAFONE ALBANIA”

Prokuroria thotë se duke verifikuar përmes “Google Maps”, ka arritur të vërtetojë se ndërtimi jo që nuk ishte realizuar në zonën për të cilën ishte dhënë leja, por u ndërtua në tokë pyjore që është në pronësi të Bashkisë së Tiranës.

Reklama në FieriWeb - “ALNORA”

Pikërisht këtu del në skenë emri i biznesmenit elbasanas, Gani Moka, ky i fundit rezulton të ketë lidhur kontratë qiraje me Bashkinë e Tiranës për përdorimin e sipërfaqes nga fondi pyjor.

Reklama në FieriWeb - “OAZI I PISHAVE”

Gani Moka nuk është i panjohur për publikun. Në vitin 2021 ai është tentuar të shantazhohet dhe është mbajtur peng nga disa persona, të cilët i kërkuan 20 mijë euro. Moka ishte duke udhëtuar me një punonjësen e tij në afërsi të Peqinit, kur autorët e ndaluan dhe e kërcënuan duke tentuar ta fusin në grackë sikur kishte kryer marrëdhënie seksuale me punonjësen e tij, e më pas ta shantazhonin.

“Shtetasi G.M. administrator dhe ortak i vetëm isubjektit Certi Ë South Balkans, ka lidhur kontratë qiraje në datën 14.04.2021 me Agjencinë e Parqeve dhe rekreacionit për sipërfaqen 2000 m2, e cila është pjesë e fondit pyjor, ngastra 1/a, për të cilin janë përpiluar aktet pëkatëse, duke u konstatuar se disa prej strukturave me hekur dhe beton si dhe muri rrethues janë të pozicionuara në një sipërfaqe të fondit pyjor e cila ëshë dhënë në përdorim”, njofton prokuroria.

Reklama në FieriWeb - “MEGATEK”

Sakaq, është vendosur sekuestro preventive për pronat e ndërtuara pa leje:

Pas verifikimeve, kërkohet vendosja e sekuestros preventive mbi objektet e ndërtuara nga;

M.T. me sipërfaqe 370 m2, të konstatuar sipas procesverbalit për konstatimin e kundravajtjes nr. 5271 datë 12.01.2023, të IMT dhe vetëdeklaruar me aplikim nr 62 datë 09.02.2023, pranë ASHK;

F.Z. me sipërfaqe 370 m2, të konstatuar sipas procesverbalit për konstatimin e kundravajtjes nr. 5272 datë 12.01.2023, të IMT dhe vetëdeklaruar me aplikim nr 63 datë 09.02.2023;

A.T. me sipërfaqe 370 m2, të konstatuar sipas procesverbalit për konstatimin e kundëvajtjes nr 5270 datë 12.01.2023, të IMT dhe vetëdeklaruar me aplikim nr 65 datë 11.02.2023, pranë ASHK;

A.H. me sipërfaqe 370 m2, të konstatuar sipas procesverbalit për konstatimin e kundravajtjes nr 5269 datë 12.01.2023, të IMT dhe vetëdeklaruar me aplikim nr 72 datë 15.02.2023, pranë ASHK;

D.D. me sipërfaqe 360 m2, të konstatuar sipas procesverbalit per konstatimin e kundravajtjes nr 2582 datë 30.01.2023, te IMT dhe vetedeklarimit nr 38 datë 01.02.2023, pranë ASHK;

T. V. vetëdeklaruar me aplikimin nr.5714 datë 31.03.2022, pranë ASHK-së; dhe

M. D., i cili nuk rezulton të ketë bërë aplikim për ndërtimin e paligjshëm, por ka pretenduar se ka ndërtuar objektin e konstatuar bazuar në lejen e ndërtimit nr Nr. K-10349/2.

NJOFTIMI I PLOTË:

Prokuroria Tiranë kërkon ‘Arrest në burg’ për dy arkitektë për Veprën Penale ‘Falsifikim i dokumenteve’, sekuestrohen pronat

Prokuroria pranë Gjykatës së Shkallës së Parë të Juridiksionit të Përgjithshëm, Tiranë, ka regjistruar procedimin penal nr.1285, të vitit 2023(i bashkuar), për veprën penale “Ndërtim i paligjshëm”, parashikuar nga neni 199/a i Kodit Penal, ma kallezues në ngarkim të shtetasve M.T., A.T., F. Z., A.H., D. D., G.M., T.V. dhe M.D.

Deri në këtë fazë të hetimeve, rezulton e provuar se shtetasit e mësipërm, kanë aplikuar në sistemin E-Leje, nëpërmjet shtetasve A.P. dhe K.B. (Arkitektë), si dhe janë pajisur me lejet e rindërtimit respektive.

Nga një verifikim i thjeshtë i koordinatave nëpërmjet aplikacionit ‘Google Maps’, rezulton se koordinatat e pasqyruara në relacione nga Arkitekti A.P. apo K.B., tregojnë vendndodhje të ndryshme karahasuar me vendndodhjen reale të objekteve të konstatuara nga vetëdeklarimet pranë ASHK-së, apo edhe pa vendndodhje duke mos reklamuar koordinata.

Nga tëdhënat e grubulluara rezulton se objektet janë ndërtuar në ngastrat e ekonomive pyjore 1/a dhe 2/a, në juridiskionin e Bashkisë Tiranë.

Shtetasi G.M. administrator dhe ortak i vetëm isubjektit Certi Ë South Balkans, ka lidhur kontratë qiraje në datën 14.04.2021 me Agjencinë e Parqeve dhe rekreacionit për sipërfaqen 2000 m2, e cila është pjesë e fondit pyjor, ngastra 1/a, për të cilin janë përpiluar aktet pëkatëse, duke u konstatuar se disa prej strukturave me hekur dhe beton si dhe muri rrethues janë të pozicionuara në një sipërfaqe të fondit pyjor e cila ëshë dhënë në përdorim.

Arkitektet A. P. dhe K.B. kanë bërë të mundur aplikimin e të dhënave të cilat tregojnë të dhëna të rreme, nëpërmjet E-leje.