AKTUALITETKRONIKË
Zjarr në fshatin Moravë të Beratit, flakët rrezikojnë banesat përreth
Një zjarr ka rënë sot në fshatin Moravë,në Njësinë Administrative Otllak.
Reklama në FieriWeb
Zjarri ka rënë rreth orës 19:40 në disa kavalete kashte,që ndodheshin në oborrin e banesës së shtetasit Sulo Hajdari.
Drejt zonës kanë shkuar grupet e shërbimit zjarrëfikës, që pasi mbërritën konstatuan se rrezikoheshin banesat që ishin shumē pranë vatrës së zjarrit.
Tre mjete zjarrëfikëse të tjera u nisën drejt fshatit Moravë dhe falë ndërhyrjes së shpejtë nga forcat zjarrefikese, u bë e mundur që flakët të lokalizoheshin në një kohë të shkurtër dhe të kryhej shuarja e plotë e zjarrit.
Nga zjarri nuk pati dëme në njerëz dhe dëme materiale në banesa.
