Zjarr në kodrat midis Radostinës dhe Shëndellisë në Fier, flakët po përhapen në parcelat me ullinj
Një vatër zjarri ka marrë përmasa masive në kodrat midis Radostinës dhe Shëndellisë në Fier.
Zjarri është pikasur mesditën e sotme nga banorët e zonës të cilët kanë njoftuar shërbimet zjarrfikëse.
Fillimisht flakët kanë përfshirë bimësi dhe më pas të favorizuara edhe nga era janë përhapur me shpejtësi në parcelat me ullinj.
Aktualisht në vendngjarje ndodhen 4 zjarrfikëse të Fierit, 1 mjet zjarrfikës i Rroskovecit dhe një i kompanisë Albpetrol të cilat i janë bashkuar aksionit për neutralizimin e flakëve.
Flakët janë duke iu afruar zonës pyjore ndërkohe që terreni i vështirë e bën të pamundur ndërhyrjen e zjarrfikësve.
Burime nga vendngjarja bëjnë me dije se se zjarri vijon të jetë aktiv dhe se forcat zjarrfikëse po punojnë për neutralizimin e tij.
