KRONIKËSTAR CHANNEL
Zjarr në një stallë në Kallm të Madh – Digjen 100 bagëti dhe 2500 dengje bar
Drejtoria Vendore e Policisë Fier bën me dije se specialistët për Hetimin e Krimeve në Komisariatin e Policisë Fier kanë referuar materialet në Prokurori për vlerësim, lidhur me një zjarr të rënë në një stallë në fshatin Kallm i Madh.
Sipas hetimeve paraprake, dyshohet se zjarri është shkaktuar nga një shkëndijë elektrike. Si pasojë e flakëve janë djegur rreth 2500 dengje me bar dhe 100 bagëti të imëta, duke shkaktuar dëme të konsiderueshme materiale për pronarin, shtetasin A. Ç.
Reklama në FieriWeb - “PIZZA ITALIA FIER”
Një grup i posaçëm hetimor ndodhet në terren dhe po punon për dokumentimin e plotë të shkaqeve të zjarrit.
Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier për veprime të mëtejshme ligjore.
