KRONIKË
Zjarri i madh te “Deutsch Color”, evakuohen dasmorët në resortin ngjitur me fabrikën e bojërave (VIDEO)
Zjarri që përfshiu sonte fabrikën e bojërave në Maminas alarmoi gjithë zonën përreth. Policia i ftoi qytetarët që të mos afroheshin për shkak të materialeve shpërthyese që mund të kishte brenda kjo fabrikë.
Kësisoj, u bë i mundur evakuimi i të gjithë atyre që jetonin pranë fabrikës, si dhe dasmorëve që gjendeshin një resort pak metra larg zjarrit. Policia bëri të mundur largimin e tyre duke anuluar edhe dasmën që ishte planifikuar për në mbrëmje.
Për arsye sigurie u mbyll përkohësisht edhe autostrada Tiranë – Durrës duke devijuar trafikun në një rrugë dytësore. Sakaq në vendngjarje janë zjarrëfikësit që po punojnë për shuarjen e zjarrit, ndërsa grupi hetimor për zbardhjen e rrethanave të ngjarjes.
