KRONIKË
Zjarri në Qëndrën Tregtare/ Ministrja e Shëndetësisë, Albana Koçiu viziton të shtruarit në spitalin e Lushnjes
Ministrja e Shëndetësisë dhe e Çështjeve Sociale, Albana Koçiu ka vizituar këtë mbrëmje të shtruarit në spitalin e Lushnjes.
35 persona të asfiksuar prej zjarrit që ra në Qëndrën Tregtare “Metropol” në Lushnje janë shtruar në spitalin e këtij qyteti. Mes tyre janë dhe 2 fëmijë dhe 4 zjarrfikës.
Zjarri përfshiu ditën e sotme katin e tretë të Qëndrës “Metropol” në Lushnje. Flakët dyshohet se u ndezën prej mbinxehjes së një kutie elektrike. Më pas flakët u përhapën edhe në katet e tjera të godinës.
Banorët dhe qytetarët aty arritën që të evakuoheshin, teksa në vendngjarje erdhi për të parë situatën nga afër edhe ministri i Brendshëm, Taulant Balla.
