KRONIKËSTAR CHANNEL
Zjarri përfshin një banesë në Fier, lëndohet 83-vjeçari
Një banesë në lagjen “8 Shkurti” në Fier është përfshirë nga flakët gjatë orëve të para të mëngjesit të sotëm. Sipas Drejtorisë Vendore të Policisë Fier, dyshohet se zjarri ka rënë rreth orës 02:00, si pasojë e një shkëndije elektrike.
Nga zjarri është lënduar në fytyrë pronari i banesës, shtetasi V.G., 83 vjeç, i cili ndodhet në spital nën kujdesin e mjekëve.
Grupi hetimor ka nisur punën për zbardhjen e rrethanave të ngjarjes, ndërsa materialet procedurale i janë referuar Prokurorisë së Fierit për veprime të mëtejshme.
