Dështimi i negociatave BLLOKON Ngushticën e Hormuzit! Irani: Kush përpiqet të kalojë do të ndizet në flakë
Dështimi i negociatave BLLOKON Ngushticën e Hormuzit! Irani: Kush
Foto nga Ngushtica e Hormuzit
Pas dështimit të negociatave mes Iranit dhe SHBA, trafiku detar në Ngushticën e Hormuzit është bllokuar sërish, menjëherë pas shpalljes së bllokadës detare nga Trump.
Sipas raportimit të mediave të huaja, trafiku vazhdoi ditën e djeshme por më i ulët se zakonisht, ndërsa të shtunën pati pak më shumë lëvizje të cisternave, kjo pasi kompanitë tentuan të largonin anijet nga Gjiri Persik gjatë një armëpushimi të përkohshëm.
Rreth 200 anije cisterna tregtare ndërkombëtare, të pasanksionuara, kanë mbetur praktikisht të bllokuara në Gjirin e Lindjes së Mesme pas ndalimit të plotë të lëvizjes së anijeve përmes Ngushticës së Hormuzit. Një komandant i Korpusit të Gardës Revolucionare Islamike deklaroi se ngushtica ishte “e mbyllur” dhe paralajmëroi se çdo anije që përpiqej të kalonte nëpër këtë rrugë ujore do të “ndizej në flakë”.
Ngushtica e Hormuzit normalisht mbart afërsisht 20% të eksporteve globale të naftës bruto, duke e bërë atë një nga kalimet detare më të rëndësishme strategjike në botë.
