Rikthehet instalacioni “I’Fieri” në qendër të qytetit, më i madh dhe më i fortë
Instalacioni simbolik urban “I❤️Fieri” është rikthyer në qendër të qytetit, këtë herë i rindërtuar nga e para, më i madh dhe më i fortë se më parë, pas dëmtimit të rëndë që pësoi rreth një muaj më parë, kur një kolonë që mbante një flamur të madh u rrëzua dhe ra mbi të, duke e shkatërruar pothuajse tërësisht.
Ndërtimi i instalacionit të ri është bërë i mundur falë angazhimit të bizneseve vendase Bar “C’est La Vie”, “Bleta Premium” dhe “Dekor Arjoli”, të cilat kontribuan në realizimin e këtij projekti të ri që i jep edhe më shumë jetë dhe identitet hapësirës qendrore të qytetit.
Instalacioni “I❤️Fieri” vijon të mbetet një pikë referimi dhe atraksion fotografik në zemër të Fierit, si një nga simbolet moderne më të njohura për qytetarët dhe vizitorët.
