Të shtëna me armë zjarri në Kurbin, qëllohet drejt një automjeti, policia: Autorët babai me dy djemtë
Të shtëna me armë zjarri janë regjistruar mbrëmjen e sotme në Kurbin.
Gazetarja e Top Channel, Brixhilda Deda, raporton de dyshohet se është qëlluar drejt një automjeti.
Sipas saj deri më tani nuk ka persona të lënduar, por ende nuk dihet përse ka ndodhur ngjarja.
Rreth orës 18:55, në afërsi të hyrjes së qytetit të Laçit, në rrethana ende të paqarta, është qëlluar me armë zjarri në drejtim të automjetit me të cilin lëvizte shtetasi M. N.
Nga të shtënat nuk ka shtetas të dëmtuar.
Nga veprimet e shpejta janë identifikuar autorët e dyshuar: shtetasi P. Gj. dhe dy djemtë e tij, shtetasit H. Gj. dhe P. Gj. (njëri prej tyre dyshohet se ka qëlluar me armë zjarri në drejtim të automjetit), ndërsa vijojnë kontrollet për kapjen e tyre.
Grupi hetimor ndodhet në vendngjarje dhe po punon për sqarimin e rrethanave të rastit dhe dokumentimin e plotë të rastit.
