3 Maji, Dita Botërore e Lirisë së Shtypit/ Theksohet roli i medias së lirë dhe sfidat e gazetarisë në kohët moderne
Sot, më 3 maj, në mbarë botën shënohet Dita Botërore e Lirisë së Shtypit, një ditë e dedikuar rolit të medias së lirë dhe të pavarur në shoqëri.
Kjo ditë është shpallur nga UNESCO dhe synon të rrisë ndërgjegjësimin për rëndësinë e lirisë së shprehjes, si një nga shtyllat kryesore të demokracisë.
3 maji shërben gjithashtu si një moment reflektimi për sfidat me të cilat përballen gazetarët në mbarë botën, përfshirë presionet, censurën dhe rreziqet gjatë ushtrimit të profesionit.
Në këtë ditë përkujtohen edhe gazetarët që kanë humbur jetën në krye të detyrës, ndërsa theksohet nevoja për më shumë mbrojtje dhe standarde profesionale në media.
Edhe në Shqipëri, kjo ditë shënohet me mesazhe dhe aktivitete të ndryshme, duke rikthyer në vëmendje rëndësinë e një gazetarie të lirë, të pavarur dhe të përgjegjshme ndaj publikut.
