Vlorë/ Identifikohet i riu që u gjet i varur në kullën e vrojtimit
Një ngjarje e rëndë është regjistruar në qytetin e Vlorës, ku një 25-vjeçar është gjetur pa shenja jete në zonën bregdetare.
Sipas njoftimit zyrtar të Drejtorisë Vendore të Policisë Vlorë, specialistët për Hetimin e Krimeve në Komisariatin e Policisë Vlorë referuan materialet në Prokurori, pasi ditën e djeshme, në bregdetin e zonës së njohur si “Plazhi i Vjetër”, është gjetur i vetëvarur në një nga kullat e vrojtimit shtetasi me iniciale P. S., 25 vjeç, banues në Vlorë.
Nga këqyrja paraprake e trupit nuk janë konstatuar shenja dhune, ndërsa autoritetet bëjnë me dije se vijojnë veprimet procedurale për zbardhjen dhe dokumentimin e plotë të rrethanave të kësaj ngjarjeje.
Materialet i janë referuar Prokurorisë kompetente për veprime të mëtejshme.
