KRONIKËSTAR CHANNEL
Aksident te “Kthesa e Portëzës” në rrugën Fier–Patos, një i plagosur
Një aksident rrugor është regjistruar në rrugën “Fier–Patos”, në vendin e quajtur “Kthesa e Portëzës”.
Sipas të dhënave paraprake, në aksident janë përfshirë një automjet tip “Volkswagen”, me drejtues shtetasin A. E., dhe një motomjet tip “Dayang”, me drejtues shtetasin E. D.
Reklama në FieriWeb - “PIZZA ITALIA FIER”
Si pasojë e përplasjes, drejtuesi i motomjetit ka mbetur i dëmtuar dhe është transportuar me ambulancë për ndihmë mjekësore. Fatmirësisht, ai ndodhet jashtë rrezikut për jetën.
Policia ndodhet në vendngjarje dhe po punon për sqarimin e plotë të rrethanave të aksidentit.
