KRONIKËSTAR CHANNEL
ATENTAT NË SARANDË/ Ekzekutohet me armë zjarri 66-vjeçari Rexhep Ismaili, pronar karburanti
Një atentat me armë zjarri është regjistruar mbrëmjen e sotme në lagjen 6 të Sarandë, ku ka mbetur i vrarë 66-vjeçari Rexhep Ismaili, pronar i një karburanti.
Sipas informacioneve të para, Ismaili është qëlluar me armë zjarri dhe ka ndërruar jetë në vendngjarje. Menjëherë pas ngjarjes, forca të shumta policie kanë rrethuar zonën dhe kanë nisur veprimet hetimore për identifikimin e autorëve dhe zbardhjen e plotë të motivit.
Deri tani, rrethanat e atentatit mbeten të paqarta, ndërsa grupi hetimor po mbledh prova dhe dëshmi që mund të ndihmojnë në dokumentimin e kësaj ngjarjeje të rëndë, e cila ka tronditur qytetin bregdetar.
