Çahet tubacioni i ujësjellësit në Fier, hapet një zgavër në rrugë pranë shkollës “Pinellopi Pirro”
Fier – Një problem serioz me rrjetin e ujësjellësit është regjistruar mesditën e sotme në rrugën “Jakov Xoxa”, pranë shkollës Shkolla Pinellopi Pirro, ku çarja e një tubacioni ka shkaktuar rrjedhje të shumta uji dhe hapjen e një zgavre në rrugë.
Si pasojë e avarisë, një pjesë e segmentit rrugor është dëmtuar, ndërsa uji ka përmbytur zonën përreth duke krijuar vështirësi në qarkullim dhe shqetësim për banorët.
Sipas qytetarëve, problematikat me rrjetin e ujësjellësit në këtë zonë janë përsëritur disa herë gjatë muajve të fundit, duke sjellë humbje të ujit të pijshëm dhe dëmtime në infrastrukturë.
Ndërkohë, strukturat e Ujësjellës Kanalizime Fier kanë ndërhyrë menjëherë në defektin e linjës DN 120, duke bërë të mundur riparimin e plotë të avarisë dhe stabilizimin e situatës në zonë.
